Acuèlh  >  Vins e gastronomia  >  La recèpta del mèstre-cosinièr

 La recèpta del mèstre-cosinièr

 
   


Ingredients
Pel biscuit a las amètlas :
100gr de burre mòl en petits bocins
75gr de sucre
80gr de podra d'amètlas
125gr de farina
1 gròs uòu
Pel chuc de fragosta :
200gr de fragostas fresca s o surgeladas
1 fuèlha de gelatina
80gr de sucre
Per la coseson :
2 mòtles a tarteletas 6 emprentas en silicòn






Tarteletas a las fragostas

(Recèpta originala de
Sofia Cabanat
Blog accrogourmandise)
 


Preparacion

Pel biscuit a las amètlas : trabalhar lo burre mòl en pomada emb lo paleton. Ajostar lo sucre, la podra d'amètlas e l'uòu batut leugièrament a la forqueta e ben boirar lo tot. Puèi boirar la farina juscas a obténer una pasta omogenèa plan pegosa. Per ieu, la pasta èra vertadièrament tròp pegosa per èsser trabalhada emb lo paleton, ai donc causit d'engulhar un parelh de gants a usatge unic e de prestir a la man. Quo èra perfièch !
Puèi, far una bola, la botar dins un film alimentari e la gardar al fresc al minimum 2 oras.
Passat aquel temps, divisar la pasta en 12 partidas egalas e fonsar cada emprentas del mòtles. Pausar una partida de la pasta dins cada emprenta, aplatir emb la man e cavar un petit potz al centre emb lo fons d'un veire farinat. Tornar botar al fresc 1 ora minimum.
Far calfar lo forn a 170°c (t5).
Enfornar los mòtles a tarteletas 8 minutas puèi los sortir e tornar far lo potz dins caduna de las emprentas emb lo veire farinat e tornar botar al forn per 10 minutas suplementàrias.
Los fons de las tarteletas devon èsser daurats sens aver brunit.
Quand seràn cuèits, los sortir del forn, los daissar refregir e los desmòtlar sus un grilha.
Per lo chuc de fragostas : trempar la gelatina 10 minutas dins un grand volume d'aiga fresca per la remolir.
Desgelar las fragostas al micrò-ondas e las boirar en purèa fina. Ajostar lo sucre. Botar lo tot dins una caçairòla e calfar 5 minutas de temps.
Tirar del fuòc e ajostar la gelatina. Ben bolegar afin de la dissòlvre complètament. Quand la preparacion es tébia, la voidar dins los fons de las tarteletas e botar a prene al fresc qualques oras.

Lo P'tit Plus !
A decorar coma òm lo sentís : notz de cocò raspada, esclapons de chocolat negre o de chocolat blanc, amètlas aprimadas torradas, eca....




 

Retorn a la pagina d'acuèlh Occitan