Acuèlh  >  Vins e gastronomia  >  La recèpta del mèstre-cosinièr

 La recèpta del mèstre-cosinièr

 
   


Ingredients


2 gròs punhats de vinheta
8 patatas
Cerfuèlh, presilh
1 culhièra a sopa de graissa
1 culhièra de farina
1 uòu






Sopa blanquida amb de vinheta


P
reparacion

Aquela sopa se minja mai que mai a la debuta de la prima quand la vinheta es jòina e un pauc acida.

Per dos litres d’aiga. Lavar la vinheta ben coma fal, la copinhar grossièrament puèi l'esgotar. Far caufar la graissa dins una padèla e botar la vinheta. La virar mai d'un còp per que se mete en purèia. Ben acaucar amb una forqueta e la ligar amb una culhièra de farina. Ajostar lo cerfuèlh e lo presilh copinhats finament.
Botar las patatas a còire dins d'aiga salada. Quand son cuèichas, las espotir amb la forqueta per espessir lo bolhon.
Separar lo blanc del jaune. Botar lo jaune de costat. Far còire lo blanc dins una culhièra que l’òm bòta qualquas minutas dins lo bolhon. Quand es cuèich, lo copar en pichons carrats per botar dins la sopièra quand es prèste.
Avant de servir, ligar lo bolhon amb lo jaune.

Nelly RIGOULET

Recèpta realizada per l’associacion Les Pesqueyroux
Tirada del libre « Quatorze banquets Périgordins, 123 recettes »



 

Retorn a la pagina d'acuèlh Occitan