Acuèlh  >  Vins e gastronomia  >  La recèpta del mèstre-cosinièr

 La recèpta del mèstre-cosinièr

 
   





Rostit de fetge gras amb de
Mont Basalhac e « chutney » de figas e cacaus

Recèpta fargada e realizada
per M. Olivier STRAEHLI – C.I.V.R.B.

Per 4 personas

Ingredients

Rostit de fetge gras amb de Mont Basalhac
1 fetge gras de canard cru de 600 / 800 g
1 culhièra a sopa de mèl
25 cl de Mont Basalhac
80 g de farina
1 culhièra a café de sal
1 culhièra a café de pebre del molin

Lo « chutney » de figas e cacaus
250 g de figas frescas plan maduras
100 g de sucre cristallizat
50 g de cacaus brigalhats
10 cl de vinagre de vin
5 cl d’aiga
3 gruns de pebre
1 punta de cotèl de canèla
jus de la meitat d'un citron


P
reparacion

Rostit de fetge gras amb de Mont Basalhac
Preparacion : un quart d'ora / Còire 12 mn de temps
Sens granda dificultat

Lo « chutney » de figas e cacaus
un quart d'ora / Còire 6 mn de temps
Pas de dificultat


Lo fetge gras :
Far caufar lo forn a 180°C.
Tirar lo fetge gras de canard cru del frigò e enlevar sa vena centrala.
Mesclar la farina, la sal e lo pebre puèi farinar un pauc lo lòbe de fetge gras.
Botar lo lòbe de fetge gras farinat a caufar dins una padèla cauda.
Capelar de sa pròpra graissa 2 mn de temps, puèi botar al forn amb un cobertor. Lo fetge gras deu contunhar de rostir unifòrme.
Far fondre lo mèl amb lo vin e laissar demingar jusca a aver una consisténcia de siròp.
Al cap de 12 mn, dubrir lo forn e desglaçar amb la salsa al Mont Basalhac, capelar lo lòbe de fetge gras 1-2 mn de temps per que caramelise, puèi lo sortir. Botar sus un plat tèbie…
Es prèste a servir.

Lo « chutney » de figas e de cacaus :
Lavar e triar las figas frescas en començant per la coa puèi las passar grossièrament a la molineta.
Voidar lo tot dins un saladièr amb la canèla e lo jus de citron.
Laissar pausar un quart d'ora.
Mesclar, dins una caçairòla, l’aiga, lo vinagre e lo sucre jusca a çò que bolhone e laissar demingar de meitat. Ajostar las figas confitas e los gruns de pebre, laissar còire 5 mn a pus prèp, en bolegant tot lo temps.
Se fai besonh, escumar puèi botar los cacaus e far bulhir 1 mn de temps, escumar.
Botar còp sec lo « chutney » dins un pòt e barrar.
Virar lo pòt, laissar refregir puèi servar al frigò jusca a çò qu'òm lo minge.

Vins conselhats :
Blancs doç : Roseta, Còstas de la Mòta de Mont Ravèl, Còstas de Brageirac, Saucinhac, Mont Basalhac

 

Retorn a la pagina d'acuèlh Occitan