Acuèlh  >  Vins e gastronomia  >  La recèpta del mèstre-cosinièr

 La recèpta del mèstre-cosinièr

 
   

Ingredients
500 ml de lach entier
500 ml de crèma liquida entièra
80 gr de sucre ros de cana en podra.
6 fuèlhas de gelatina alimentària (siá 12gr)

Per la decoracion :
- una taça de chuc de fresas de Perigòrd emb un chic de jus de citron
- una taça de compòsta de cerièra al vin roge de Brageirac

Aisinas :
1 caçairòla,
6 veires evasats de manièra a desmòtlar aisidament las panna cotta



 





La Panna Cotta de Perigòrd Porpra

Nombre de personas : 6

Temps preparacion : 7 mn

Temps de coseson : 4 mn

 


P
reparacion


Un dessèrt d'excelléncia : la rencontra de l'acidulat del chuc de fresas emb lo gost miaunós de la compòsta de cerièra al vin roge de Brageirac e lo boiradís de la crèma al lach. Far bulhir qualques minutas lo lach, la crèma e lo sucre. Pendent aquel temps, botar a trempar las fuèlhas de gelatina dins d'aiga freja. Estorrir las fuèlhas de gelatina, e las botar per pichona quantitat dins lo liquide bullhent. Ben bolegar, las fuèlhas de gelatina devon èsser "dissolgudas" dins lo boiradís lach-crèma-sucre. Esperar qualques minutas e voidar sens atendre dins los veires. Botar al fresc 8 oras. Se pòt preparar la velha.
Desmòtlar cada panna cotta sus una sieta a dessèrt (passar la lama d'un cotèl dins lo veire sul torn de la panna cotta).
Botar un culhièr de chuc de fresa d'un costat de la panna cotta, e un culhièr de compòsta de cerièra de l'autre costat. Òm pòt decorar se l'òm vòl emb una cerièra, una fresa o un fuèlha de menta.


Brigitte Rouch
Britavit- Gîte - Chambres et Table d'hôtes
Tél 05.53.24.12.58
rouch.brigitte@wanadoo.fr
http://chambres-d-hotes-dordogne.com/
http://britavit.com/


 

Retorn a la pagina d'acuèlh Occitan