Acuèlh  >  Vins e gastronomia  >  La recèpta del mèstre-cosinièr

 La recèpta del mèstre-cosinièr

 
   


Ingredients


Una cinquantena de castanhas
6 rabas
De fuèlhas de cauls o de figuièrs
Sal e pebre






Castanhas blanquidas


P
reparacion

Pelar la prumièra pèl de las castanhas.
Las far caufar, cubèrtas d’aiga e las tirar del fuec al prumièr bulh.
Bolegar energicament las castanhas amb lo desboirador . L’accion en mesma temps de l’aiga cauda e de la friccion suls crans del desboirador despega la segonda pèl (lo tanin).
Las voidar aprèp sus una grasilha per las far refregir.
Tapissar lo fons del recipient voide amb de rabas, de fuèlhas de cauls o de figuièrs avant d'i tornar botar las castanhas ara ben blancas. Subretot fau pas ajostar d'aiga per las far còire, la vapor de las castanhas sirá pro.
Tornar botar lo recipient sus un fuec apropriat, mas atencion :
- Tròp fòrt, las castanhas sentisson lo cramat.
- Tròp bas, la vapor dins lo recipient se condensa debàs lo coberton freg e retomba sus las castanhas que venon negras e aigalosas.
Una coseson reüssida balha de las castanhas plan blancas, caramelizadas dins lo fons e amb un gost incomparable.
Las rabas botadas per isolar las castanhas del fons pòdon èstre minjadas a part.
Aquel plat se minja en acompanhament d’una carn coma la pintarda, o, l’ivern, amb una bòla de lach.

1 : desboirador : mot occitan = « pince à châtaignes ».
 

Retorn a la pagina d'acuèlh Occitan