Acuèlh  >  On a vu, lu, écouté  >  Poèmes en occitan  >  Cançon (Chanson) - Bernard Lesfargues

 Cançon (Chanson) - Bernard Lesfargues

 
 

Écouter le poème lu par Jean-Claude Dugros :

Player

 
Cançon

Ò Dordonha, te sangglaças
qu'ausisses pus de cançons,
ò Dordonha sangglaçada !
una nòvia es assetada
sus las pèiras del Barratge.

Qu'ausisses pus la cançon
d'un gabarrièr - ai ! gabarras
enanadas ont Dieu sap ! -
una cançon que cantava
en davalar devers Blaia.

Cantava qu'una drolleta
safronava en la ribièra
per son amic qu'èra luènh,
e l'amic s'èra negat
a cent lègas dins la mar.

Dins lo casau de son paire
la drolleta culhiguèt
son plen davantal de seda
de ròsas color de sang
e per l'aiga las getèt.

Anatz, ròsas, anatz-vos-en
a cent lègas dins la mar
rescalfar, ròsas de fuòc,
mon amic lai que guerlòta
sens lençòl seboturat.

Ai ! Dordonha sens gabarras
son tots mòrts los gabarrièrs ?
Se ne'n mòron las legendas
e se planhon las tortoras
dins los aubres de la riba.

Ausisses pus de cançons
- oblidaira de nevèia
mon còr, el, t'oblida pas -
que son mòrts los gabarrièrs,
ma Dordonha sangglaçada.
Chanson

Ô Dordogne, quelle peine
quand tu n'entends plus de chansons,
ô Dordogne, quelle peine !
est assise une fiancée
sur les pierres du Barrage.

Quand tu n'entends plus la chanson
d'un gabarier - ô gabares
parties Dieu sait où ! -
une chanson qu'il chantait
en descendant sur Blaye.

Il chantait qu'une fillette
sur la rive sanglotait
pour son ami au loin,
et l'ami s'était noyé
à cent lieues dans la mer.

Au jardin de son père
la fillette remplit
son tablier de soie
de roses couleur de sang
et les jeta dans l'eau.

Allez, roses, allez-vous-en
à cent lieues dans la mer,
réchauffer, roses de feu,
mon ami qui là-bas grelotte,
sans linceul enseveli.

Hélas ! Dordogne sans gabares,
Tous les gabariers sont-ils morts ?
Les légendes en meurent,
et les tourterelles se plaignent
dans les arbres de la rive.

Tu n'entends plus de chansons
- oublieuse de la neige,
mon cœur, lui, ne t'oublie pas -
car sont morts les gabariers,
ma Dordogne au cœur figé.
 
       
 

Retorn a la pagina precedenta