|
 Presentacion
:
Un territòri, una identitat, un País
Un espaci per ganhar
Situat en Aquitània, dins la partida sud-oèst del departament
de la Dordonha, suls limits de Gironda e de Òlt e Garona, lo
Grand Brageirac regropa 14 comunautats de comunas
que s’espandisson sus mai de 2000 qm2.
Dins un esperit d'eficacitat e de coeréncia, los elegits del
bacin de vita e d'emplec del ranvèrs de Brageirac an volgut
organizar lor territòri jos fòrma de país.
Aquela causida ten d'una simpla logica : nonmàs una
organisacion regropant uèi tots los actors publics,
sociò-economics e associatius de nòstre territòri pòt crear
una dinamica d'ensemble. Quò es al nivèl del país que
se pòt definir un projècte de desvolopament fòrt e coerent.
Un País quò es aquò ?
Al rencontre de las leis Pasqua, Voynet e de Robien, los País
devon èsser comprés coma una novèla etapa del movement de
decentralisacion aviat en 1982 per las leis Deferre.
Lo País del Grand Brageirac es una associacion, de tipe « lei
1901 ». Sos aderents son las comunas e comunautats de comunas,
los elegits locals, los sociòprofessionals.
Un territòri de projèctes
Lo quadre es lo del volontariat e de la libra adesion. Lo País
es destinat a iniciar de projèctes e a mobilisar de las
iniciativas, a travèrs de missions d'estudis e d'animacions.
L’estrategia de desvolopament del País del Grand Brageirac es
definida dins sa
Carta de Desvolopament Durable (en
français)
Una identitat istorica e culturala
Lo ranvèrs de Brageirac, nòstre territòri, regropa
152 comunas, per 103 448 abitants (en
français).
Son identitat istorica e culturala s'es fargada al cors dels
sègles per constituir una unitat reconeguda per sos abitants e
estructurada per un element important : la Dordonha.
Son activitat agricòla e viticòla i es consequenta, l'industria
concentrada e son sector terciari en progression constanta. De
son país de vignals e de patrimòni, ne’n tira son apellacion
toristica, País de Brageirac, lo Perigòrd Porpra.
Las datas-claus
30 de setembre de 1998 : l’associacion País del Grand
Brageirac es creada.
10 de novembre de 2001 : lo
Conselh de Desvolopament (en
français) del País es installat.
20 de decembre de 2002 : aprèp un an de reflexions e de
trabalhs, la Carta de Desvolopament Durable del País,
document-quadre fixant los axes de desvolopament del ranvèrs
de Bergerac per los dètz ans avenidors, es validada per lo
Conselh d’Administracion puèi per las 152 comunas e
comunautats de comunas.
Aquelas comunas e comunautats fòrman lo perimètre definitiu
del País, reconegut per lo Prefèct de Region lo 30 de setembre
de 2003.
La velha, dos cents elegits del ranvèrs de Bragerac adoptavan
a l’unanimitat los novèls estatuts de l’associacion.
10 de decembre de 2004 : signatura del Contracte de País amb
l’Estat e la Region
7 de decembre de 2006 : lo País del Grand Bragerac es
reconegut Pòl d’Excelléncia Rurala per lo Primièr ministre.
21 d’abril de 2008 : lo programa europèu Leader 2008-2013 nos
es acordat, autorn de l’estrategia d’acuèlh de populacions e
d’activitats.
18 de setembre de 2009 : lo projècte de contracte de País
2009-2011 amb la Region es validat a Sent Feliç de Viladés.
Conselh d'Administracion
Vertadièra estructura portaira, lo Conselh d'Administracion
es compausat de conselhièrs regionals, generals, de
parlementaris, d'elegits, de l'ensemble dels partenaris
sociò-economics, e aquò, totas tendéncias politicas
confondudas.
Es presidat per M. Sèrgi Fourcaud, Conselhièr General de
Velinas, conse de Bonavila e Sent Avit de Fumadièras.
Los membres :
clicatz aquí (en
français)
Lo Conselh de Desvolopament es una estructura
partenariala que cerca a associar l’ensemble dels actors del
territòri a la reflexion globala sul desvolopament del País.
Compta uèi 238 membres.
Lo Conselh, constituit al còr de l’associacion, a per tòca de
favorisar lo desvolopament durable del País e de permetre
l’expression dels mitans economics, socials, culturals e
associatius, lo dialòg amb los elegits e la populacion.
Constituís una fòrça de proposicion al prèp dels elegits.
Es co-presidat per Brigita LAFFONT, presidenta de l’associacion
« Retravailler Dordogne », e per Jacme WACQUEZ, cargat de
relacion del « Club Dordogne Entrepreneurs. »
Las commissions :
clicatz aquí (en
français)
Carta de desvolopament durable
20 de decembre de 2002
La Carta del País es un document de referéncia que determina,
per los 10 ans avenidors, l’estrategia del territòri en
matièra de desvolopament durable, valent-a-dire aquel que
cerca a respondre als besonhs actuals sens botar en dangièr lo
desvolopament de las generations avenidoiras. Sos grands
principis son : la solidaritat dins l’espaci e dins lo temps,
la transversalitat, la participacion, la precaucion.
CONSULTATZ LA CARTA DE DESVOLOPAMENT DURABLE (format PDF) :
clicatz aquí (en
français)
Talha : 10.6 MO
LEADER : Una clau per
vòstres projèctes jusca en 2013
 «Leader»
es un programa de desvolopament local co-finançat per l’Union
Europèa, dont beneficia lo ranvèrs de Brageirac jusca en 2013.
Per quel biais, nombrós portaires de projèctes pòdon èsser
sostenguts per menar de projèctes innovants de desvolopament
rural.
Volèm, amb aquel programa, menar una vertadièra politica d'acuèlh,
visant lo manten, l'arribada e l'integracion de populacions e
d'activitats, d’un biais perenne.
Nombrós projèctes del ranvèrs de Brageirac, s'inscrivant dins
aquela estrategia d'acuèlh, pòdon beneficiar de finançament
per se concretisar.
Una envelòpa de 1 550 000 euròs es acordada a nòstre territòri
jusca en 2013.
Avètz un projècte o benlèu nonmàs una idèia ? Exploratz la
rubrica e balançatz pas a nos contactar. Lo programa « Leader
» vos podrà benlèu ajudar !
Serge Fourcaud, president
Philippe Ducène, president delegat
del Grop d'Accion Locala País del Grand Bragerac
CONSULTATZ LA RUBRICA LEADER :
clicatz aquí (en
français)
Las accions (en
français)
 Contracte
de ribièra
La Maison de l'Emplec Sud Perigòrd
(MDESP)
Pòl d’Excelléncia Rurala
Carta forestièra de territòri
Estudi economic
Estudi toristic
Estudi Emplec-Formacion
|
|
