|
 Avètz
aquí en dos C.D. la quinta esséncia de tota una vita de poèta.
Lo prumier titolat « Bernard Lesfargues, Poèmas Poèmes »
comprend mai d’un vintenat de poèmas – amb la revirada en
francés – tirats dels recuèlhs La brasa e lo fuòc brandal,
edicions Jorn, Finie la fête, edicions Les amis de la poésie,
La plus close nuit, edicions Federop. Una antologia realisada
amb las votz de Beatriç Becquet, Monica Burg, Miquèla e Bernat
Lesfargues e mirgalhada per la musica requista de Maurici
Moncozet que a assegurat l’enregistrament. Una passejada dins
tota una existéncia. En sègre l’itinerari del poèta òm tròba
totjorn l’expression de sa sensibilitat quand parla d’un monde
avalit, de personas caras perdudas per jamai, de luòcs cargats
de sovenirs...
 E
coma un bonaür arriba jamai sol, un segondC.D. ven d’espelir
dins la prestigiosa colleccion «Trésors d’Occitanie»
(collection témoignage). Bernard Lesfargues es a sa plaça, al
costat de sos amics Max Rouquette, Bernard Manciet, Robert
Lafont, Philippe Gardy, Pierre Bec e tant d’autres. Los poèmas
son dichs per l’autor e aquò’s un vertadièr plaser d’ausir
Bernard Lesfargues nos parlar dins la lenga mairala de son
Perigòrd, aquí ont nasquèt la lirica occitana e ont s’inventèron
los mots paratge, justícia, fraternitat e plan segur lo mot
amor, tots presents dins aquels dos discs... E al delà, amb
Bernat de Casnac I e Bernat de Casnac II, lo poeta prend,
contra subèrna, la desfensa dels umiliats, dels ofensats, dels
faidits.
Escotatz e tornatz escotar la votz poderosa d’un poèta que
parla sens nostalgia d’un monde de vivents, dins una
vertadièra modernitat.
Joan-Claudi Dugros.
1 / Bernard Lesfargues, Poèmas (Poèmes), Novelum, seccion
Perigòrd de l’I.E.O., amb lo sosten de l’Institut Eugène Le
Roy, 15 euros. Contacts : Novelum, Centre Socio-culturau, 95,
rota de Bordèu 24430 Marsac d’Eila tel./fax 05 53 08 76 50
novelum.ieo24@online.fr o
chas Bernat Lesfargas, Le Bourg, 24400 Église Neuve d’Issac.
Tél. 05 53 80 10 74.
2 / Bernard Lesfargues, morceaux choisis dits par l’auteur,
Trésors d’Occitanie, collection témoignage, Occitània
Produccions, BP 75, 34741 Vendargues cedex / 58
poèmes, 70’ 14’’
|
|
