Imprimar Imprimar
Accueil  >  Vos Communes  >  Saint Antoine de Breuilh
Merariá de Sent Antòni del BruèlhVersion FrançaiseEnglish Version
Saint Antoine de Breuilh : en occitan Sent Antòni del Bruèlh : Sanctus Antonius (saint Antoine), de l'occitan bruèlh , del gallés brogilo-, "bòsc sacrat, lo mai sovent barrat").
 
 
 

Situat dins lo Perigòrd porpre lo vilatge de Sent Antòni del Bruèlh es adorsat al nòrd suls tèrmes e bordat per la Dordonha al sud. Es enrodat de vinhals e de bòscs.
La comuna es traversada del levant al ponent per la D936 sus l'axe Liborna Brageirac e servida pel TER Aquitània que jonh Bordèu a Sarlat.
Sent Antòni del Bruèlh se tròba dins lo canton de Velinas e es membre de la Comunautat de comunas Montanha Mont Ravèl e Gurçon.
D'una superficia de 1781 ectaras, la comuna compta 2000 abitants (populacion oficiala al 1er de genièr 2017)

Blason

Aquò's en 1426, qu'apareis pel primièr còp, dins un tèxte, lo nom d'aquela parròquia jos la fòrma de : Sanctus Antonius propre brollum (Saint Antoine près del Bruèlh, Bruèlh es un mot que ven del galés brogilo- , que vòl dire "petit bòsc barrat ; puèi espaci barrat de bòsc o cultivat". I aviá una comandariá de Sent Antòni, dont lo simbòl èra la letra tau (T). La parròquia de Bruèlh aviá Sent Pèire per patron, Senta Eulàlia èra una parròquia suls bòrds de Dordonha. Una primièra ordenança, lo 20 d'octobre 1824, reünissiá las doas comunas. Una autra ordenança del 26 d'abrial 1836, a designat Sent Antòni coma caplòc, çò que balhèt lo nom actual a la comuna. Lo blason de la comuna es plan segur pas tan vièlh qu'aquò ! Aquò's en efècte la municipalitat qu'a volgut evocar las tres parròquias dins lo blason comunal : Lo tau per Sent Antòni. Lo pitit bòsc per lo Bruèlh. La ribièra per Senta Eulàlia. Çò que balha en tèrmes eraldics : Escartelat :
Als 1 e 4 d'azur cargat d'una barca d'argent
Als 2 e 3 d'aur a tres garrics de sinòple pausats en faissa, brocant l'un sus l'autre.
Cargat en abisme d'un escuçon d'argent a un tau de golas.
En devisa : 1426 - Sanctus Antonius - 2004
Lo blason fuguèt adoptat per deliberacion del conselh municipal, lo 4 de març 2004.