Imprimer la page Imprimar
Accueil  >  Vos Communes  >  Lencais
Merariá de LencaisVersion FrançaiseEnglish Version

Los noms dels lòcs de la comuna de Lencais en occitan

     
 


Lo Castèl

Son istòria, son lac, sos castèls, sos concèrts, sas fèstas, son patrimòni e son paisatge boscat e verdejant son tant de rason de descobrir aquel vilatge de 526* abitants que s'arremicola dins una val del Perigòrd Porpra e prèp del Perigòrd Negre. Situat al sud de Perigüers, sus la linha Brageirac-Sarlat, e a qualques pas de la ribièra Dordonha, LENCAIS, vilatge inscrit, profita de la proximitat de Brageirac (18 qms) e de La Linda (7 qms) en tot gardant e protegissent son quadre natural e rural.

 
Lo blason
 

Laissatz-vos lisar suausament vèrs aquela parròquia nomenada ancianament "Linquaychs" (1276).

En arribant de Mont Leidièr o de Sent Grapasi de La Linda, lo castèl de La Ròca (privat) balha lo ton.

     
 

Se passatz per Cosa e Sent Front sentiretz segurament en vos sarrant del vilatge, flotar un aire de sentetat ! Una legenda fai nàisser Sent Front a Lencais e Sench Avit a Varenas, la comuna vesina. Aquò's per dire si l'endrech es benefic !
Al fial dels jorns e de vòstres pas, descobriretz d'aquel ancian repaire nòble dependent de la castelaniá de Bèlmont, sas riquesas passadas e actualas. La glèisa es de estile Roman e s'i venèra un relíquia de Sent Estròpi (bocin de còsta) obtenguda en 1846 de l'evescat de La Rochelle.

     


Lo Vilatge

De bequilhas en signe de garison i èran daissadas al temps dels romavatges fòrt trevats, lo 30 d'abrial. A l'asard de vòstras exploracions, auretz l'ocasion de far coneissença emb las Lancaisianas e Lancaisians que d'unes an un petit accent Olandés, Escocés o Anglés !

 

Dempuèi fòrt longtemps los òmes an trevat aquels luòcs. De jasiments d'ostilhs preïstorics, de tròç de tarralha, de bricas e mai de monedas romanas a l'efigia dels prumiers emperaires fuguèron trobadas.
Una visita del preclar castèl de Lancais bastit sus un ancian "castellum" e que serviguèt de residéncia als evesques de Perigüers atal coma a diferents senhors, vos transportarà dins lo passat.

Mancaretz pas
de remarcar a sos pès una impressionanta granja dieimaira reconvertida en un endrech de festivitats, o ben d'èstre atirat per los rires dels dròlles jogant sul sable fin del plan d'aiga creat en 1986.
A l'entorn del vilatge,
de caminòls per las escorregudas a pè, bordats de falguièras e de ginests del ros luminós s'estiran a travèrs los bòscs de pins, de castanhièrs, de garrics e de nosilhièras.
Natura e arquitectura, fèstas e repaus se mesclan per vos ofrir un agradable sejorn. LANCAIS e sos abitants vos soetan d'avança la benvenguda.



* populacion oficiala al 1er de genièr 2017